Makkedai Nabitta Muhammad,saw

Makkedai Nabitta Muhammad,saw lao Ri Baginda Ali,ra sibawa Sitti Fatimah,Rha,,,"E- Ali..! e- Fatimah,,! naiyyatu rupangna sempajang lima wettue- ,,rapangngi saloo mallari uwwaina ri te'ngngana wanuwae- napole-i wali-wali, tauwwe- ce'mme- masussu' tabbekka' lima si esso siwe-ngni." makkedasi Nabitta Muhammad,saw Ri sahaba'na ,"iyyaro tauwwe- ce'mme- masussu' wekka lima si esso si we'ngni ..makaa engka mopagaro raingna mondro' " makkedai Nabitta Muhammad,saw "dena gaga mondro' raingna"
   Makkedasi SAHABA'NA "ri yasengni ro puang deraingna mondro' "  Makkedasi Nabitta Muhammad,saw ,,"makkotonitu sempajangngewe- napa lolong mane'ngngi dosaewe- "
   Makkedasi SAHABA'NA "iyyaro raiyye- puang naitai mata ulu' massuu ,,,nasaba' ce'mme- masussutta ,naiyya tosiha' nare-kko to massempajang tendri ta' massu dosaewe- , "
  Makkedasi Nabitta Muhammad,saw ,,"magi tenna muitana massuu dosamu ,,? naiyya ritu sempajangngewe- temmu ita-ita ritu nata teppa ,,makku mutoniro temmu itana' dosamu massuu narekko mate'ppe' mokko' laku-lakuni massempajangnge-,"
  " Engkalingai matu' upau-pauwwakko decengna sempajangnge- sibawa ale-bbire'ngna"
  Makkedai SAHABA'E- ," tapauwwangna' puang decengna' sempajangnge-" makkedai Nabitta Muhammad,saw "nai decengna sempajangnge- eppai (4)  iyyana ritu :
  1. NATAJANGNGIWI' RUPATTA'.
  2. NAPAE-NRE-I' MARTABAT TA'.
  3. NAPAKA BELAIWI PAKKASOLANGNGE-'
  4. NAPA LOLLO'I DOSAE- TI WATAKKALE-WE-.

Naitosi ale'bbire'ngna Sempajangnge- narekko mate-ki seppulo tellu rupangna decengna iyyanaritu :
1.NAREKKO MASINO-SINOKI RI KOBBURU'TA NAPANCAJI TAUWI ALE-NA NASALEWORIKI' NATURUSIWI' RIPO ELORIYYE- NAMANYAME'NG NYAWATA'.
2.NARE-KO MACIPI' ONDROTA' RILALENG KOBBURU' NAPANCAJI TAUSI ALENA NALOWANGIWI' ONDRO'TA RI LALENG KOBBURU'.
3. NARE-KO' MAPETTANG KI' RILALENG KOBBURU' NAPANGCAJI SULOSI ALENA NAMA TAPPA PAKKITATTA' RI LALENG' KU'BBURU'.
4. NARE-KO' MALUPUKI RI LALENG KO'BURU' NAPANGCAJI INANGRE- SI ALENA NARIYANGRE- NATOMAWE'SSOO RI LALE'NG KO'BURU'.
5. NARE-KO MADE'KAKI' RI LALENG KO'BURU' NAPANGCAJI UWWAISI ALENA NAIRINUNG NATO SAU DE'KKA RI LALENG KO'BURU'.
6.NARE-KO METAUKI' LE-TE- RILALENGNGE- RI SIRATAL MUSTAKIM ,NAPANGCAJI TAUSI ALE-NA NAI PATIWI LE-TE- PADA BILLA' TAKKAJOE-'.
7. NARE-KO' NAPOLEIKI' PAKKUTANA MAKALAING-LAING ,NAPANGCAJI TAUSI ALE-NA NAIYYA BALIWI PAKKUTANANA MUNGKAR NAKIR .
8.NARE-KO' TENDRI ULLE-I MALLALENGNGE- NAPANGCAJI ANGNYARE'NG SI ALE-NA NAPPA RITONANGI LAO RIPADANG MAKHSYAR .
9. NARE-KO' POLE-I TOMAKASI-ASIYE- NAPANGCAJI TAUSI ALENA NAI YYA DUPPAIWI TOMAKASI-KASIE-.
10. NARE-KO' RIPASIPULUNGNI TAUWWE- LAO RI PADANG MAKHSYAR NAPADANG MALOANG RIYOLA' MAKKE'SSI' BATU-BATU NATALABUU GANGKA UTTUU, SIJAKKA MANI MATANGNA ASSOE- TENNAMIPI'I ULUE-,NAPANGCAJI TEDDUNG LOPPOSI' ALENA NARIYA CINAONGI.
11. NARE-KO' MAKKANGRE-NI' APINNA RANAKA NAPANGCAJI SALOSI ALENA NAIYYA RE'NGDRINGIKI' .
12. NARE-KO' PUSAKI' RI PE-KKA LALE'NGNGE- LAO RI SURUGA SIBAWA LAOWWE- RI RANAKA  NAPANGCAJI ANA' BIDADARI ALE-NA NAIYYA PATIWI LAO RI SURUGA .
13. NARE-KO' MAE-LO KI' SITA PUANG PANGCAJIYE- NAPANGCAJI MALAIKA' SI ALE-NA NAPASITAKI' PUANG ALLAHU TA'ALA .

Di angkat dan ditulis kembali dari kitab TASAWWUF BERBAHASA BUGIS.